E team di FADA lo ta basta activo pa e prome 3 luna di aña. Trahado preventivo, Rulienne Arends ta bisa cu tin cantidad di otro problema ta presenta cu no ta solamente uso di substancia.
Arends ta bisa cu por tin diferente trauma cu e persona ta pasa aden. Ora esaki sucede nan ta tuma contacto di biaha cu otro instancia concerni. “Nos como team ta sinta prome, wak e caso pa asina nos wak cua ta e miho instancia cu por tuma e caso over.”
E ta bisa cu varios biaha nan a yama Respaldo pa asina e departamento duna e guia urgente. Sinembargo Arends ta bisa cu e uso di substancia ta e minimo di e problema di e hoben.
Nan ta comunica diaramente cu Respaldo, tambe nan tin nan psicologo di CAA, den caso cu FADA tin algun duda nan ta comunica cu e psicologo pa asina por duna conseho. E comunicacion cu otro fundacion y di parti FADA ta uno bon.
Un otro punto cu Arends ta comparti ta e parti cu tin studiante cu ta acerca nan despues di charla pa guia, nan ta splica e situacion cu ta pasando aden. Di parti FADAm nan ta papia cu docente, trahado social di e scol pa asina nan tuma e caso y traha riba esey.
Arends ta bisa cu nan mester keda conscientisa e studiantenan di e cosnan negativo cu por confronta cune. Tin hobennan cu ta acerca pa asina splica cu nan ta wak nan mayornan cu cigaria, cu ta un substancia legal pero e hobennan ta haya esaki algo malo pa nan mayor haci, FADA ta papia cu nan pa duna conseho.
“Nos ta contento di bisa cu a tuma contacto cu scolnan basico y secundario. Nos tin e booking yen. Nos tin e proyecto di BeSmart pa e muchanan di klas 5 na varios scol pa asina duna tools pa bisa no den cierto situacion.
FADA lo sigui cu nan 3 ultimo documentario, tambe famia ta acerca FADA pidiendo cu nan tambe kier contra nan experiencia pa asina yuda otro famia. Na e prome 3 luna di aña, FADA lo ta ocupa haciendo tur e trabounan aki pa asina duna guia y yudansa na hobennan. Tambe ta pidi pa mayornan si tin algun problema pa acerca Tienda di Educacion.
Leave a Reply