Efectonan di abuso sexual

Un persona cu a ser abusa ta cambia den su comportacion, e por ta problematico manera distancia su mes, e por bira agresivo y seductivo. E persona por hui for di cas, e por haya cu problema di apetiti. Persona por cay den depression, ansiedad, confusion riba identidad. E por cuminsa haya pesadiya of drumi malo. Agregando cu por ta señalnan no ta bisto te ora e mucha bira adulto.

E victima di abuso por tin problema di perdida di confiansa, pa cera amistad intimo. Sentimentonan di culpabilidad, e victima lo mester ayudo professional pa compronde cu no ta su falta. Den algun caso por causa daño fisico ta inclui daño den area genital, orina cu dolor of dolor di stoma, enfermedadnan cu por wordo transmit sexualmente.

Algun mucha por sinti cu nan ta culpabel pa nan ta envolvi den abuso. Nan a sinti cu ta nan fout nan a wordo abusa. Nan por haya nan mes den comportacion sexual impulsivo, prostitucion of abuso di alcohol of otro droga. Por comete suicidio den algun caso. Nan ta sinti nan mes sin balor of rechasa. Por afectanan bida personal y relacion.

Victimanan di abuso sexual por desaroya comportacion enfermizo relaciona cu sex. Lo ta dificil pa nan haya relacionnan satisfactorio despues den bida. Por pasa den algun caso victimanan femenino cu ta alcansa pubertad na momento di e abuso, ta core riesgo pa sali na estado.

Algun tips pa yuda preveni abuso sexual di mucha ta pa discuti sexualidad cu yiunan na un manera habri y honesto. Siña younan bisa no ora hende ta purba mihsi cu nan patrtinan intimo di nan curpa. Ta atento riba señalnan den comportacion di yunan cu por indica abuso.

Laga muchanan sa cu nan por papia abiertamente cu nan mayornan. Nan no mester tene nada scondi, pa nan laga sa inmediatamente ora un hende haci nan algo cu ta laga nan sinti incomodo y confuso.

Tambe el a agrega cu ta importante pa scucha yiunan poniendo bon atencion. Den mayoria di casa e mucha no lo papia di un problema directamente, pero como mayor por ripara of  yiunan mes por duna un señal verbal cu algo no ta bon.

Leave a Reply

Your email address will not be published.