Grupo 14 di formacion social ta cuminsa cu 24 hoben cu kier un oportunidad den bida y futuro

Awe 8 di maart ta cuminsa e di 14 grupo di Formacion Social, esaki ta bira un oportunidad pa e hobennan cu kier un di dos oportunidad den nan bida y futuro. Sr. Kelly di Arumil ta splica con importante e decision aki ta pa e hobennan.

E ta bisa cu ta spera cu e 24 hobennan aki cu a cuminsa por rond af henter e programa. E ta compronde cu e proceso di disciplina por ta dificil pero ta keda pa e hoben tin e motivacion, y nan mes ta papia cu nan pa asina nan sigui, no give up pasobra esey ta challenge cu bida mes ta duna y no mester give up.

“Nos ta papia cu e hoben, siña deal cu nan, ayudo den nan actitud. Nos ta bisa cu e training ta militar, una bes e training social mester pas nos mes aan, nos ta siña conoce e luga y sinti mas familiar na dje”, sr. Kelly ya bisa.

Un cos cu nan kier pa e hoben y tambe mayornan tene na cuenta ta e parti motivacion ora e hoben bay bek cas. E ta bisa cu ta keda na mayor sostene nan yiunan, pa ora nan bay bek cas na un nivel caba pa asina keda cu e mesun motivacion den bida.

Coordinador di projecto SVT, sra Jessica Ras ta bisa cu ta contento cu e tram nobo cu a cuminsa. Nan a tuma di esnan cu aña pasa mester a cay afo pa motibo di Covid-19, pa e motibo aki e grupo a cuminsa grandi y yena cu motivacion ‘nos ta good to go’.

Sra. Ras ta bisa cu e cambio di maneho ta cu pa cada grupo semper tin algo diferente, algo cu por bay miho. E ta bisa awo ta adapta mas na e protocol cu tin. Si un hoben ta positivo nan ta mande cas den isolacion pero nan ta wak con e desaroyo ta bay pa asina e hoben por drenta e grupo despues y sigiui draai.

Un otro punto cu sra. Ras a menciona ta di e preparacion pa formacion social den grupo di mucha muhe, e ta bisa cu for di aña pasa tabata den palabracion. Land Aruba a bisa cu lo cuminsa cu grupo pa train y draai cune, pa asina nan sa con e sistema di SVT ta bay y kico mester tene cuenta cune.

E preparacion aki tmabe ta pa asina e hende muhe tambe tin oportundiad pa despues e bira militar, mirando cu no tin un dama den arumil y di e forma aki por tin un grupo di mucha muhe den futuro cu por ta den arumil.

Nan no a cuminsa cu e promocion den e parti di hende muhe pero si ta menciona pa esnan cu kier mas informacion of kier cuminsa inscribi por haci esaki.