Grupo di boluntario pa informa nos grandinan

Un grupo grandi di fundacion a uni pa asina por brina e servicio nobo pa esnan di edad grandi na Aruba. E servicio ta un liña di telefon cu nan habri nacional. Un grupo grandi di boluntario lo tin a tarea pa ricibi e grandinan cu ta na soledad na cas.

Jeffrey Matos, manager di club Kibrahacha a bisa cu e number ta 2800505 cu persona grandi di edad cu lo yama, un boluntario lo contesta y tin tarea pa papia cu nan. Segun Matos, e situacion actual tin un impacto grandi riba nos hendenan.

E preocupacion pa esnan di edad avansa cu por tin servicio pa yama, pa combersa of comparti cualkier inkietud cu nan por tin. Diasabra nan a cuminsa cu nan servicio oficial. Nan a haci analesis cu a haya cantidad y e promedio di esnan cu a yama ta 65 aña pariba.

“Nos a haya cantidad di mas grandi ta 65% hende muhe y ta kere cu e total cu nos a ricibi te cu awo ta 46% nos mester a tuma accion manera yuda tuma contacto cu otro istancia y 54% no mester a tuma accion”, Matos a comparti.

E meta di esaki ta por yuda y brinda e informacion na e grandinan. Pa cualkier situacion cu nan por tin por bin un solucion. Nan ta compronde cu un grupo grandi cu ta yama ta esnan cu ta biba nan so ‘esey tambe ta un preocupacion’.

Tambe a duna di conoce pa esnan cu lo haci uso di yamada, e ta gratis. Awo nan ta conta cu 15 boluntario cu lo ta trahando riba pregunta, inkietud. “Nos tin un grupo apart di chat caminda ta comunica regularmente y tin un gana di yuda.”

E necesidad pa bin cu algo asina ta pa motibo cu siman pasa a ripara e situacion y a dicidi pa uni forsa y traha hunto ‘e entusiasmo ta grandi’ tambe pa persona cu tin miedo pa yama, nan ta bisa cu e informacion of e yamada ta keda anonimo ‘un grupo di 14% a keda anonimo pero otro no’.

Nan a duna informacion y comparti cu nan. Pa esnan cu tin necesidad, nan ta yega mas facil na e otro instancia pa nan tambe por keda trankil.

A puntra si nan servicio tambe ta den caso cu hende grandi mester remedi di botica, of otro necesidad kico ta wordo haci. Matos a splica cu nan boluntario mes ‘no ta sali riba caya’. Esey ta tereno di otro.

Nan trabou ta pa contesta telefon y duna ofrece e servicio. Pa Sali ta keda riba e tereno di trahado social y diferente instancia. Manera e porentrahe di hende cu mester a tuma accion a tuma contacto cu nan bek for di e otro instancia.

“Tin algun di nos grandinan cu ta biba na cas of un camber patras cu e famia. nan no ta cushina of no ta bayendo actividad social. Pa e motibo aki a bin cu e liña di telegon pa nan por tin algo cu nan por socialisa”, el a bisa. Di e forma aki, e por reemplasa e liña di telefon, nan por hiba un combersacion un rato sin sinti nan mes bon.

Un di preocupacion cu a yega di menciona ta cu ta tene na cuenta cu tin esnan pensioenado cu no tin un carchi di banco pa cobra for di ATM di banco. Matos ta bisa cu ta buscando contacto cu asosciacion di banco pa por trece mas informacion pa aclara e informacion aki ora cu persona yama.

Segun Matos, un otro preocupacion cu tin ta cu personan di edad ta riba medionan social y nan ta ripara cu tin diferente medio cu por bruha nan den informacion. Mirando cu ja caba tin un porcentahe cu ta insigur, tin nervio, nan tin limitacion di salud cu por preocupa nan mas ainda.

Nan ta consciente cu hende di edad nan sistema inmuno ta mas debil ‘nan ta grupo di risico’. Segun e ta bisa cu ta e yamada cu ta bin dilanti, cu nan ta preocupa pa nan salud, pa nan famia, e situacion ta crea panico cerca nan. Dus ta importante pa papia cu nan asina e personanan por sali di duda.

“Nos como organisacion ta mantene medionan official di gobierno, DVG y otro departamento cu ta relevante pa por trankilisa e persona. E conseho ta pa persona mayor di edad por yama na e number”, el a bisa.

Nan tin dos grupo di boluntario cu lo atende yamada cuminsando for di 8:00 am te cu 12pm y e di dos grupo lo cuminsa di 4:00pm te cu 8:00pm ta orario disponibel. Ta evaluando e cantidad y esnan cu ta dispuesto pa yuda crece y duna e servicio di yudansa. E number ta 280-0505.

Leave a Reply

Your email address will not be published.