Sr. Mitchell Ho-Asjoe, di Grupo Ta Basta ta bin dilanti mirando cu nan a manda un carta parlamento pero no a haya ningun reaccion, tambe nada no a keda concreto despues di e manifiesto di 3 di july caminda 12.000 hende a firma pa para pa derecho di muchanan y disgusta di con gobierno ta maneha e problema aki.
“Algo cu nan a bisa cu den 6 minuut, pero no a cumpli cu nan promesa. Nan no a tuma contact cu nos, nan a pone Social Crisis plan pa papia cu nos pero nos kier papia cu e director di circo”, el a bisa.
Awo cu no tin un gobierno, sr. Ho-Asjoe ta bisa awo tur politico ta core campaña sin pensa riba e futuro di e muchanan. Di parti di Grupo Ta Basta, nan lo sigui e lucha te ora cu nan wak resultado.
E ta bisa cu gobierno a sali lagando responsabilidadnan, e ta spera cu pueblo ta consciente pa ken nan ta bay vota pa e futuro gobernante di pais Aruba y pa wak con ta bay trata cu e COHO pa yega na un solucion na dje.
“Vota consciente, vota pa e persona cu lo bay lucha pa e meta aki. No laga nan gaña boso coy kens. Sigui dilanti y nos ta keda trece e tema aki dilanti, awo cu nos tin un revista archiva di e sucedido di dia 3 july ‘the day Aruba wore black’.
Den e buki tin e documentacion di kico tur pasa dia 3 july 2020, caminda tin potret emocional y tur persona cu asisti yena cu emocion. Caminda a recolecta 12.000 firma di persona cu ta sigui lucha pa abuso di mucha.
Leave a Reply