Presidente di Camara di Comercio (KVK) sr. Omar Tromp a bisa cu recientemente a tene reunion cu minister Dangui Oduber pa papia di tema di comerciantenan, ultimo desaroyonan di turismo y tambe e vacunacion.
Sr. Tromp ta bisa cu di KVK ta haya importante pa nan por sali for di e crisis aki, anto esey ta pa si mas hende vacuna na Merca tin mas chens di sali mas lihe, pa e motibo akita pidi pa inscribi pa asina por tin solucion.
Pa locual ta trata e ultimo desaroyo di turismo, sr. Tromp ta bisa cu e ta bayendo bon pa siguiente siman y luna. Mester wak si kico ta bay pasa cu e contafgio y efecto cu esey lo tin riba turismo.
Sinembargo ta tuma nota cu ta mustrando positivo pa turismo. “E confiansa di comerciante ta subiendo untiki. Nos ta wak positivismo, compania cu ta ofrece trabou y compania chikito cu ta tin menos entrada di 48.000 no mester paga BBO”, e ta bisa.
E ta bisa cu ta wak mas confiansa den un futuro cercando pa locual ta trata economia. Nan lo bay reuni cu minister di finanzas y economia, tambe cu minister presidente y minister di labor pa wak e ultimo desaroyonan.
Toch ta keda preocupacion di locual ta bay pasa cu landspakket, nan ta reuni cu cada sector economico pa asina tende nan dolor, y acerca na cada minister concerni di cada di sectornan aki.
Un otro punto cu e ta menciona ta cu a reuni tambe sector di agricultura y horeca pa asina tende nan preocupacion y con ta cu nan proyecto. Pa locual ta refineria, sr. Tromp ta bisa cu nan lo por wak e activa bek den un futuro cercano.
“Mester wak cua compania gobierno a selecta pa bin cu proyecto den area y kico ta e plan pa draai e economia, pero nos no a tende mas di desaroyo. Minister Dangui Oduber ta pushando pa e industria di cannabis pero mester wak e partinan di gasto, instancia cu mester cumpra e plantacion y beneficio pa un pais manera Aruba”, e ta bisa.
Pa finalisa sr. Tromp a bisa cu vacunacion ta a manera mas facil pa nan reactiva ecomonia mas lihe.
Leave a Reply