Mr. Randolf Vrolijk, kende ta fundador di FEPA, y tambe interim project manager di EPE (enseñansa pa empleo) a splica cu a haya e tarea pa crea un Universidad di Pueblo na Aruba. E ta wak e necesidad den comunidad pa persona caba nan estudio of sigui cu un estudio.
E universidad di pueblo aki lo haya nomber George van Putten. Enseñansa pa Empleo ta un di e programa di educacion bou di adultonan. Vrolijk ta duna di conoce cu e maneho no semper tabata esun adecuado.
Na momento cu FEPA a tuma EPE over, a haci esaki sin subsidio, ni material ni edificio. Solamente nan tin dos lokaal ariba den un edificio na San Nicolas. Tanten e trabounab ta sigui pa por haci esaki posibel, Vrolijk ta bisa cu ta trahando riba cursonan.
Na januari a cuminsa cu inscripcion cu a duna hopi bon resultado. Na februari a cuminsa cu cursonan cu ta finalizando, despues di a haya un localidad na Playa. E ta bisa cu ta falta di motivacion entre nos adultonan pa caba nan enseñansa.
Nan idea ta pa organiza curso den dia y anochi. E ta haya cu ta necesario pa asina e persona tin interes pa traha y no mester keda duna persona bijstand, hende por sigui cu nan curso pa siña algo nobo pa por haya entrada.
Sinembargo e ta bisa cu ta necesario localidad y no por uza edificionan di scolnan, pasobra nan ta den uzo caba den dia. Tin cierto materialnan cu mester keda den e localidad. Vrolijk a splica tambe cu a tuma e decisión cu EPE ta keda un departamento di Gobierno y e lo bira un Universidad di Pueblo, unda cu Gobierno ta encarga cu su ehecucion.
E programa lo bay hunga un rol importante pa educacion di adultonan. Principalmente pasobra ta hopi hende a perde trabou y enseñansa mester ta accesibel pa tur hende pa asina nan por ta bon prepara cu un basis solido pa mehora e calidad di e pais aki ‘un prioridad urgente’.
E departamento di plannan grandi, entre otro pa bay den e barionan y na e centronan di rehabilitacion, ofreciendo mas oportunidad. Mester brinda mas hopi posibel enseñansa pa adulto. Un di e ultimo censonan ta mustra cu mas di 70 porciento di e poblacion no a logra caba un estudio secundario, y 83% di e pueblo kier traha.
P’esey mester enfoca pa yuda e pais recupera economicamente, socialmente y den educacion. Y no ta papia solamente di enseñansa digital pero tambe di adultonan. EPE tin tur e potencial pa brinda pueblo tur sorto di curso cu lo mehora calidad di bida di e ciudadanonan.
E ta comparti cu den e pandemia a keda demostra e necesidad pa adultonan siña otro profesion. Hopi hende sa con pa traha como waiter of bartender so. Ora cu hotelnan a cera, no tabatin otro conocemento. P’esey nan a haya hopi peticion pa curso.
“E motivacion pa studia ta hopi abou, e ta un reto cu ta atende cune, pa hopi aña largo hopi hende a mira un campaña politico como solucion. Ta yuda un politico campaña pa haya un trabou y no mester studia. Esaki mester cambia. Enseñansa ta keda e miho vehiculo pa mehora calidad di bida, sin depende ni debe ningun hende nada,” Vrolijk a bisa.
Leave a Reply