Den un reciente entrevista cu vocero di cuerpo policial, sr Lito Lacle ta duna un splicacion di con ta bayendo na casnan rond di Aruba caminda e ta bisa cu mester tin e cifra exacto di e ultimo 5 aña pa asina por haci comparacion.
E ta menciona si, mirando cu nan ta duna asistencia na situacion cu pasa, e ta bisa cu e casonan no ta alarmante ‘tin mas problema cu musica halto’ coremento bou influencia di alcohol cu ta bin dilanti cu e mesun problemanan di cas.
E ta bisa cu for di 2017, 2018 y 2019, 2020 mundialmente problemanan a subi rond di mundo pero pa Aruba pa tin un bista den ultimo 5 aña cu a asisti cune mester tin tur informacion dilanti pa por analisa y por duna detaye riba esaki.
Tambe sr. Lacle ta splica cu no tur caso cu problema den famia ta yega prome, of tin acceso riba informacion manera persona cu ta bay entrega keho oficial no na polis pero na Ministerio Publico, casonan asina polis por tin un miho bista di cifra.
“E ta imporante pa duna keho of bin warda di polis, pero pa caso cu bay asina leu cu tin maltrato of otro casonan, e personan ta yega di biaha pa duna keho na O.M. nan no ta yega warda di polis pa duna keho, anto nos ta traha cu cifra, nan lo mester yega meld pa asina nos tin un miho cifra di cuanto casonan tin den cas”, e ta bisa.
Leave a Reply