‘Mester aprecia y balora e trabou di Douanero’

En conexion cu dia mundial di Douane (26 january), presidente di Sindicato SADA sr. Edward Maduro ta manda palabra di felicitacion pa tur colega di douane ‘pa e trabou y desafio cu ta rekeri di nan dia aden y afo’.

Sr. Maduro ta bisa cu awo por wak atras na un aña fructifero a pesar di circumstancia di e situacion cu ta bibando aden pa motibo di pandemia.

Sinembargo e ta bisa cu e situacion no ta kita afo, cu tur colega a haci nan trabou manera ‘debe ser’. E colega tin un comunicacion cu sindicato cu nan tin constantemente contacto cu e departamento no ta pasando den nan miho momento.

“Por bisa cu e situacion ta lamentabel, nos ta wak e importancia cu douane tin rond mundo. E rol improtante den comunidad y esaki no ta ser aprecia y balora”, e ta bisa.

E ta menciona cu nan ta wak cu gobierno den ultimo tempo no a haci nada pa un miho desaroyo. A spera pa haya un edificio cu a priminti nobo na 2015 pero esaki no a sigui den plan.

Na 2017, e ta bisa cu e proyecto di sigui cu nan edificio nobo cu tabata destina pa nan na Barcadera, tabatin su mapa y cla pa construccion, pero ora cu gobierno a cambia, tur cos a stop.

E ta bisa cu ta problema cu nan ta confronta cune pa varios aña, caminda nan ta wak cu otro instancia si a haya nan edificio anto nan ta keda afecta ‘e ta negligencia di parti gobierno pa e douanero’.

Sr. Maduro ta bisa cu ta tristo cu nan ta pasando den situacion tristo. Nan no ta wak aprecio di e mandatarionan. “Nos ta wak e situacion hopi leu for di cas.”

Un otro punto cu sr. Maduro a bin dilanti cune ta e caso cu tin den corte. “Ban laga un banda e parti di pandemia 2020, esey tabata prome cu Hulanda a bisa baha gasto, tabatin fondo pa aloca, pero a priminti y nada y tur cos mester a bay den corte.

E ta bisa cu tin hopi colega cu ta pasando den persecucion. Pa cualkier cos cu nan haci nan ta keda raporta. Caminda ta cuminsa un proceso disciplinario.

E plan di awo ta cu sindicato lo keda purba pa yega na un solucion ‘pa awo nos ta bibando den corte tristo’. “Tin cu bisa si cu for di desde e pandemia a cuminsa na maart 2020, trahado a traha tur dia.”

Leave a Reply

Your email address will not be published.