Magaly Arends ta duna di conoce cu aña pasa a logra di yuda 300 mucha pa obtene nan articulo di scol. E aña aki lo yega na un 500 di mucha. Aña pasa tabatin opcion di adopta un mucha pa 150 florin cu ta cubri pa dos uniform, keds, tas y articulo di scol.
E aña aki lo tin 4 location: Yanti, Grind Coffee House, Dyon Center & Impex Seroe Blanco. “Oficialmente nos kier anuncia cu nos campaña di Back 2 School a cuminsa awe. Yuda nos pa nos por yuda nos muchanan.”
Tambe nan tin nan cuenta di banco pa tur hende cu kier haci donacion, nan ta compronde cu e situacion no ta uno facil pero si kier duna algo pa por yuda mas mucha cu ta posibel. Si ta posibel pa por yega mas di 500 mucha, nan ta haci’e, cualkier cos chikito por yuda cune.
Por contact riba Facebook pa por haya e formulario pa por yena cua ta e mucha cu mester ayudo. Nan ta pidi pa no yena e nomber di un mucha dos pa motibo cu por stroba otro mucha y e trabou ta bira mas dificil. “Yena e nomber un biaha so y duna otro mucha chens. Tambe yena e info di size di e mucha, scol di mucha y size di uniform corecto na mivoztabovoz@gmail.com tambe ta pidi pa si yena e formulario aki pa no bay otro fundacion, pa asina otro mucha tambe por haya ayudo di e otro fundacion, no stroba otro.
Leave a Reply