Ivo Valdes, presidente di OPPA a menciona varios punto dilanto tocante e cuido medico, e pensioen sigura pa nos grandinan, e actividad social y reforma fiscal cu ta keda bin cune.
Nan kier haya nan pensamento pa motibo cu den e ultimo decadanan tabatin un aumento di persona riba 60 aña. E ta exigi pa gobierno pone atencion na e grupo aki pa e no bira un problema.
E ariba menciona ta trece cu ne cu e cantidad di trahadonan local ta bahando y cada bes ta depende mas di trahadonan di afo. E grupo aki den su mayoria ta gana salario minimo, mester contribui na e fondo di SVb, cu ainda no ta fuerte.
OPPA ta pidi futuro gobernantenan pa no papia riba grandinan pero papia cu nan. Pa traha un maneho con pa atende cu e grandinan pero cu nan participacion. Y despues sigui evalua e maneho den conhunto cu e grandinan.
P’esey ta pidi pa duna e problemanan di salud entre e grandinan mas atencion, mas accesibel, di calidad y traha riba un programa di prevencion di malesa, cual AZV no tin awo.
Principalmente si un persona kier come mas saludabel, e lo costa mas. Poder di compra a bay hopi atras. Esnan di Gobierno tin dos pensioen, pero tin grupo di persona cu tin un solo pensioen y ta biba na rand di nan nivel.
Tin hopi caminda publico ainda ta na werki. Pensando riba e grandinan, e ta pensa pa duna e Centronan di Bario un miho funcionamento y nan lo por haci mas pa e pueblo. Nan kier mira cambio tambe den enseñansa cu aworaki ta hopi anticua. Reforma Fiscal ta un punto importante pa OPPA. Mester bini cu un sistema cu ta atractivo pa pensionadonan. Ya caba henter nan bida a paga belasting.
Leave a Reply