Pa esnan cu kier studia online mester tin disciplina

Durante un reciente entrevista cu Rosalinda Kelly-Croes e ta splica tocante e rekisito pa esnan cu ta prefera di sigui nan estudio na Aruba pero online, dus siguiendo lesnan for di afo pero na cas.

E manera online ta e manera cu ta bayendo na mayoria di pais, esey tambe ta conta cu Aruba. E ta bisa cu Arubalening ta keda duna e fiansa pa paga e scol, sin embargo e studiante no ta haya e mesun cantidad cu un studiante den exterior lo haya.

E regla ta keda cu e studiante mester keda biba na Aruba, di e forma aki e studiante tambe ta haya su diploma di Hulanda pero e gastonan di e pago di scol ta solamente locual e tin cu paga bek den futuro.

Sra. Kelly-Croes ta bisa cu ta importante si pa e studiante tin un disciplina pa ora di estudio online. E ta di compronde cu no tin un guia manera un klas y e studiante ta mas na su comodidad pero tin cu pone motivacion y disciplina pa motibo cu na final e ta keda un lening cu mester paga bek y pa nan no crea un debe sin finalisa nan estudio.

“E idea ta pa nan logra nan estudio na Aruba y nan obtene nan diploma di afo aki mes”, e ta bisa. E ta bisa den futuro e estudio online ta bay crece y cu arubalening pa por sigui nan estudio na Aruba ta bay te cu 35 aña di edad. E deadline pa peticion ta te cu dia 30 di maart pero semper lo duna chens tanten cu caba cu esnan cu a inscribi trempan.

Leave a Reply

Your email address will not be published.