Awe mainta durante un conferencia di prensa di Partido Accion 21 ta anuncia riba otro candidato cu lo uni na nan partido pa eleccion benidero cu lo tuma luga dia 25 juni 2021.
Sr. Miguel Mansur, lider di partido ta haci e anuncio riba lansamento riba nan partido. El a cuminsa papia riba rechaso di un pais riba cierto diferente topico cu persona ta confronta cune.
Sr. Mansur ta enfatisa cu a yega ora pa pone final na corupcion e mal maneho, pa asina por alcansa un potencional maximo. E ta bisa cu ta momento pa un futuro pa nos hobennan y mehora e sistema pa asina aporta na nos economia y progreso profesional ‘a yega ora pa cambio’.
Tambe e ta menciona cu lo tin un miho relacion cu reino y cooperacion cu Hulanda, pa sana nos finanzas, nos sistema gubernamental, amplia nos sistema di enseñanza, introduci cuido prventivo, ataca e crisis social y enfoca riba sostenibilidad di medio ambiente.
Sra. Daphne Lejuez a bisa cu el a tuma decision den su tempo pa sigui den politica den seno familiar. E no tabata su prome escohencia sin embargo e ta bisa cu dos yiunan hoben a bise cu e ta haciendo un bon trabou y esey a yena su persona cu emcion pa sigui traha den politica y a papia cu sr. Mansur y uni na e partido.
E ta bisa cu e partido Accion 21 ta alinea cu e visiuon cu sra. Lejuez tin mirando trahando den e sector por a wak tur cambio cu mester tin y ta tempo pa tuma accion.
Tambe e parti di campaña, nan lo usa forma diferente mirando e pandemia di coronavirus, camidna lo usa mas di tecnologia pa asina evita mas contagio y evita e sistema tradicional.
E ta bisa cu e ta para tras di un partido liberal y progresista caminda e enfoke ta bay na e persona, e ciudadano pa alcansa su potecional, su derecho keda salvaguarda, pa mas posibilidad pa por hende sea hoben of mas grandi por studia y tin oportunidad pa trabou y reinventerisa nos economia, pa atrae mas inversionista ta importante.
Leave a Reply