Por a mira cu riba medionan social a tuma nota cu hende a mustra preocupacion na muchanan cu ta keda cas y por sufri abuso verbal, negligencia pa motibo di stress. A comunica cu Fundacion Respetami pa splica tocante casonan asina
Janiree van der werf, trahado preventivo di Funacion Respetami a bisa cu nan ta dunando informacion cu ta enfoca riba mayornan y con pa actua riba medionan social. Nan ta compronde cu situacion actual ta causa stress pa mayor.
Den caso asina, hopi mayor ta riba incertidumbre pa motibo si no sa si nan ta bay cobra pa fin di luna, nan a perde trabou y ta cera na cash unto cu e mucha cu no ta bayendo scol actualmente.
Segun van der Werf ta importante pa mayor keda comunica bon cu nan yiu y keda duna sosten si ta necesario ‘papia cu mucha’ sinembargo e ta bisa cu tin mayor cu ta haya dificil pa comunica cu nan yiunan.
E ta bisa cu pa abuso y negligencia, tin conseho y tips di otro fundacion manera Fundacion pa nos muchanan y tienda di educacion. Eynan ta haya tips pa lanta nan yiu na un manera mas saludabel.
E ta splica cu si hende mantene na esey ta bay tin menos risicio di abuso di menor ‘e ta baha’. “Ora nos ta papia di abuso fisico ta manera ora ta disciplina yiu, structura pero tin persona cu ta usa sota ainda, pero tin otro forma di haci esaki cu ta mas saludabel y beneficio pa e muchanan cu no mester tin consecuencia cune.”
Un punto cu e ta nota tambe cu mayornan ta tuma e accion di suta pasobra asina nan mes a wordo siña, e abuso fisico, emocional y verbal pa motibo di stress di mayor. Den e dianan aki e mucha no tin otro mucha, of no tin supervision. Ta importante pa pone atencion na locual e mucha ta haci ‘pasobra den situacion actual asina child abuse por subi’ y mester ta preventivo.
Fundacion Respetami ta keda bisa pa e mayor of e cuidador di e mucha pone e siguridad di e muchanan ‘esey ta e tips cu semper tin cu zorg pa pone na prome luga’ pa laga e mucha tin e confiansa cu e mayor cu ta cuid’e sin laga e mucha pa su cuenta ‘mester tin confiansa y stipula regal’.
Tambe ta remarca cu pa entretene e muchan den weganan creativo pa locual ta e parti di desaroyo pero mester tin regla stipula pa e muchanan mas grandi. Pa bisa nan cu ta okay pa bisa no y semper e confiansa ta importante.
E ta contesta cu tin mayor ta sinti bon pa e forma cu nan ta actua. “Tin cultura cu e manera di educa ta uno autoritorio, streng. Nan ta bisa nan yiu cu nan ni tin nada di bisa, ami manera mayor ta dicidi tur cos”, e ta splica
Den caso asina e mucha cu ta mas grandi por papia cu e mayor caminda e por bisa ‘ami no ta haya e ta manera adecua’ y por yega na otro solucion. Sinembargo pa e muchanan chikito si por ta un problema mirando cu nan no por defende nan mes.
Esey ta pone mas riesgo den abuso fisico, unda cu e mucha chikito por ta den risico pa haya sota. Van der Werf ta bisa esey ta momento caminda e ‘bisiña ta hunga un rol grandi’ den e sentido cu si e ta tende of wak algo fuera di lo normal por acerca na e famia y puntra si tin algo malo of con por yuda.
E ta enfatisa cu esey ta necesario pa asina mustra sosten y yuda den e asunto familiar. Si ta wak cu e situacion ta mas erg cu locual e por haci of a yega mas leu por yama busca conseho na 5881010 Bureau Sostenemi, of si ta sinti cu bida ta den peliger tambe por yama 100 pa actua di biaha.
Fundacion lo keda activo den e dianan siguiente pa cualkier informacion cu comunidad mester riba medionan social. Famia of mayor por manda mensahe, comenta of keda diferente manera pa keda informa.
Leave a Reply