Siman cu a pasa tabata siman di presion halto, aki na Aruba y mundialmente tin e problema cardiovascular. Wit Gele Kruis semper a traha riba e topico aki, cu ta yuda pashent cu presiona halto y combina cu sucu. Segun WGK, Aruba ta keda score halto pa presion halto.
Director di Wit Gele Kruis, Gino Goeloe, ta expresa cu nan. ta keda enfatisa riba prevencion, e casonan di stress, bebemento, humamento ta algo cu ta hunga un rol. Tin cholesterol, sobrepreso, obesidad y poco actividad. Nan mester bin cu programa pa educa pa mas movecion.
En berdad ta wak hende ta cana na linear park of haci un poco mas movecion, pero e abuso di alcohol, mester baha man na comemento cu vet y salo ‘presion halto ta bay cu salo’. “Nos di WGK ta keda educa nos comunidad pa biba un bida saludabel. Nos tin cu preveni malesa, preveni di bay hospital pa motibo di stroke of ataca.”
Te dia di awe, Goeloe ta bisa cu pa siman ta haya tres caso di stroke of atake di curason na hospital anto esey ta algo cu tin bahe y evita. Di parti WGK semper a enfoca riba prevencion. Nan a bisa gobierno y AZV pa hinca mas placa den prevencion. Pa por tin POH den cada oficina di dokter.
Un otro punto cu nan ta enfoca ta e parti di scolnan saludabel, expande na mas scolnan saludabel. Actualmente tin 12 scol pero ta importante pa cuminsa for di basis, kleuter ‘for di chikito’ pa asina educa muchanan y ta mas consciente. “Mi deseo lo ta pa aki dies aña Aruba lo ta un one happy healthy Island.”
Leave a Reply