Problema di sushi di pos patras di WAF chikito

No ta pa prome biaha comerciante di bendemento di accessorio ta duna kehonan patras di WAF chikito caminda pa hopi aña tin situacion di tubo cu a kibra y ta trece mal holo.

Comerciante sr. Ady Saladin ta bisa cu e mal holo aki pa basta tempo a bin cu keho di turistanan cu tabata yega for di barco, comerciantenan cerca pero nunca a haya atencion necesario.

Ultimo tempo esaki a bira piyo, cambio di clima y persona ta sigui disgusta cu e mal holo. Sr. Saladin ta splica cu un tubo kibra, awa sushi di hende ta sali conhuntamente cu papel di pos cu ta trece holo y un bista desagradabel.

Sr. Saladin ta pidi pa autoridad concerni tuma nora di e kehonan aki cu tin aña biniendo. E tubo cu e sushi ta sali bay lama, awo cu tubo kibra, hende rond tambe ta wak esaki ‘nos ta haya constantemente holo’.

E tiki turista cu ta biniendo awo tambe tin cu soporta e holor aki. Nan a haci yamada na cierto instancia y departamento pa nan wak y compronde, pero ta puro papiamento y no ta bin solucion. E situacion ta cu tur e sushi ey tambe ta afecta e bista di lama.

“E ultimo dos siman, bo por ripara cu e lama ta scur di tanto sushi cu ta sali. E 24 ora pa dia cu ta keda draai ta bay riba lama. Tempo di Lagoen, gobierno a pone a atencion pero cu nos no, nos tin tres tubo cu ta afecta e situacion ako”, e ta splica.

Sr. Saladin ta bisa cu e mal holor aki ta malo pa nan salud ‘nos ta keda guli e holor aki’ tambe ta afecta e beach y awo cu tin e hotel biniendo acerca, e ta bisa lo afecta esnan cu tambe ta kedando den hotel y ta cana cerca y no ta wak un bech agaradabel.

Segun sr. Saladin e tubonan tin mas cu 50 aña nan pero ‘sinceramente nan no sa mas cuanto ta bay warda pa bin cu solucion’ e ta bisa e efecto ta cu e tubonan ta hopi bieu.

Un otro punto cu sr. Saladin a menciona ta cu e ta spera cu parking lot trece solucion bek, awo cu no tin luga pa turista para, e ta haci e situacion mas dificil pa nan por bende nan producto, mirando cu trahado di casino of den area ta esnan cu ta tuma e area di parking ‘ta spera cu mensahe yega y trece solucion’.