Problemanan di arma di candela na Aruba

Recientemente a tuma nota di casonan di arma di candela na Aruba, pa e motibo aki a acerca vocero di cuerpo policial, sr. Lito Lacle pa asina e splica riba e situacion di arma di candela cu tin riba caya.

Sr. Lacle ta bisa cu awendia pa bay haci un entrada hudicial por core riesgo mirando e peliger cu otro persona por haci uso di nan arma di candela. Tambe recientemente a bay haci entrada na un cas caminda a confisca droga y set di uniform di polis.

Ta keda pregunta di unda nan a haya e uniform aki, mirando cu tabata un uniform di polis. Ta pidi pa cualkier persona cu ripara algo straño pa asina por yama e tiplijn di polis 11141, cu ta e number di departamento di inteligencia y persona lo keda anonimo.

Por a tuma nota cu den ultimo siman, polis tabata druk riba caminda cu por a wak detencion riba caya. Tambe ta ripara cu tin varios accion di hobennan cu ta haci fastioso na Palm Beach Plaza, caminda mayornan ta laga nan yiunan sin supervision y situacion por sali for di man.

Leave a Reply

Your email address will not be published.