Recientemente por a tuma nota riba e tema di adiccion na gaming ta bira mas grave. Di parti di FADA, trahado preventivo, Rubiella Toppenberg ya bisa cu ta un topico tristo pero e ta un problema local tambe.
Pa motibo aki FADA a bin cu un programa cu lo ser mustra na e ultimo siman di april, caminda comunidad lo por tin oportunidad di mira esaki den famia cu nan yiunan.
Durante e programa lo tin demostracion di kico adiccion den videogaming por haci, tambe lo tin entrevista di mayornan cu tin e problema aki cu nan yiunan y con e ta interveni den e hoben su bida diario. Caminda e hoben ta lubida haci les, come y baña.
E programa ‘learnnovate’ lo splica riba esaki y lo brina e tools conhuntamente cu testimonio cu ta biba den esaki y ta spera cu lo yuda e mayornan cu cualkier situacion cu e hoben ta pasa aden.
“Nos ta kere den prevencion, for di kleuter caba mester pone structura na muchanan pa evita nan bay hopi ora largo patras di un screen, tablet of telefon. Edad den adiccion ta varia, pero tin mucha cu 4 aña di edad por ta pega na un screen. Pero nos grupo ta bay entre hobennan di 12 cu 16 aña di edad cu tin e adiccion mas grandi.”
Leave a Reply