A tene un combersacon cu Edith Van Der Wal kende ta e president di Fundacion Tortuga Aruba caminda e ta splica con esaki por ocaciona stress pa e tortuga. Nan ta spera cu hende por lesa e borchi ‘tin simbolo diseña pa esnan cu no kier lesa’ por sa e bedoeling.
Sinembargo e por ta posibel cu persona sea local of no, no ta duna atencion na locual cu tin. E ta splica cu borchi a keda poni na 2018, pa motibo cu tabata tin melding di persona cu tabata na Baby Beach y hende tabata molestia e tortuga. Tin un ley na Aruba cu ta bisa pa proteha e tortuga.
E ta duna di conoce, cu esey a yuda nan basta pa motibo cu por tende of wak borchi cu ta verboden y por bisa e otro tocante e borchi. Solamente na Baby Beach ta haya e borchi mirando cu e ta special pa area.
Pa motibo cu ta un sorto di tortuga cu nan ta haya y ta bin pa un temporada so. E tortuga ta e Green Turtle y ta bin pa come e yerba cu ta crece na area di Baby Beach. Tambe den e borcho tin un simbolo caminda ts splica pa no duna cuminsa na tortuga.
Esaki ta ocaciona cu e tortuga por biba menos largo. Van Der Wal ta bisa cu ta importante pa e tortuga come su yerba, pasobra si esaki crece e ta bira sushi. Dus e ta keda un function pa ambos banda, e tortuga y e yerba.
Den e ley cu tin, a puntra Van Der Wal si ta duna algun boet. E ta splica cu polis ta druk y no tin polis special pa caso asina. Tin departamento di milieu pero nan ta bezig, sinemabargo DNM a aproba e borchi. Hende tambe ta acerca e fundacion y nan manera boluntario ta splica y atende cu yamada.
E mensahe ta keda pa nan no saca e tortuga for di lama y nan mester ta consciente. E ta keda un lama atractivo pa tortuga pa come e yerba.
Van Der Wal ta splica cu si persona wak un tortuga den lama, djis wake y laga esaki bay ‘pa wak un mester tin suerte’. E cantidad di persona cu ta acerca por crea e problema cu e tortuga no lo bin bek. Dus si hende wak y tur otro tambe kier wak mester mantene un distancia na un banda pa asina e tortuga por bay su caminda.
Leave a Reply