PR di AZV, sra. Solange Tchong ta expresa riba e alarma cu tin riba salud mental na Aruba. E ta bisa cu AZV ta envolvi cu trajecto pa yega cu Respaldo na 2017 ora cu a firma pa organisacion.
AZV a haya necesario pa nan cuminsa bin cu un solo organisacion pa con maneha salud mental. Nan a pone pa inclui mas profesional den e ramo aki, cuido afo y e Fact Team pa yuda e grupo aki.
Sra. Solange ta bisa cu ta duna sosten na e grupo aki y ta tuma nota di e situacion dificil sinembargo no ta kita cu AZV ta wak tur manera pa haya espacio financiero pa yuda.
E ta bisa cu nan ta consciente cu caso di salud mental ta keda subi y situacion cu Covid-19 el a bira mas preocupante ainda. Sra. Tchong ta menciona cu e lista di espera a bolbe subi pero antes tabata 9 pa 10 luna pa por duna cuido, cu Respaldo el a baha pa 6 siman.
Aunke AZV ta enfrenta cu retonan dilanti ‘un situacion dificil’ pa motibo di landspakker y decision cu tin cu tuma den e sector medico ta keda brinda servicio pa persona cu tin malesa mental of algun trastorno mental.
Nan lo keda monitorea e situacion, y caminda nan por haya un espacio pa organisa miho of pa por haci cambio den e area aki di e miho forma, esaki ta nifica un espacio financiero tambe.
“No ta solamente Respaldo, pero e ta bay pa nos sector medico cu ta skerpi y mester organisa bon. Nos di AZV ta convenci cu ta si nos tur ta traha hunto, nos por sali di esaki. Nos lo keda monitorea henter e situacion e resto di aña.”
Leave a Reply