Sindicato STA: Awe referendum pa gerencia di AAA respeta nos CAO

Awe mainta for di 8:30 am te cu 12pm a tuma luga e referendum pa tur trahado di AAA (Aruba Airport Authority). Diego De Cuba, presidente di sindicato STA ta bisa cu mester a tuma desicion aki pa motibo cu gerencia AAA no ta resepta nan CAO.

“Nan ta keda ranca y kita, nos a bisa cu nos CAO no ta algo di haci wega cune. Diabierna pasa nos a ricibi e concepto di CAO cu ta mishi cu nan articulo y ta algo cu sindicato STA no lo bay di acuerdo cune.”

Sr. De Cuba ta expresa cu nan departamento operacional a haya golpi duro, caminda nan mester a entrega un 15,16 y 17% di nan entrada pa ta solidario. Sin embargo gerencia di AAA no ta solidario cu nan empleado y ‘ta sinta mishi cu cosnan cu no mester mishi cune’.

“Nos ta di lamenta con gerencia ta duna seccion y cu nos di sindicato STA ta bay di acuerdo cune. Nos sindicato ta bay acuerdo cu nos CAO y tin 2 y 3 punto cu nos no tabatin problema pa vries pa dos aña, pero mirando e direccion di gerencia, nos a uni y mantene nos CAO”, e ta bisa.

Sr. De Cuba a comparti cu nan CAO, ta algo cu nan e negocia for di 1996, unda cu sindicato STA a logra e miho beneficio y entrada pa trahado. E ta bisa cu director nobo ta ‘hacha den CAO y hefe di recurso humano ta complice’.

Pa e motibo aki, sr. De Cuba a pidi pa tur trahado y miembro (of no) di sindicato pa bay vota pa asina wak kico por haci y kico no por. E ta bisa cu den e caso di reorganisacion nobo mester tin cambio den departamento, manera e dept. di operacion cu no ta sistema pa traha cu trahado y persona cu ta traha manera supervisor y no ta supervisor.

Leave a Reply

Your email address will not be published.