Ta di conoce cu retiro di hende y situacion di cayda di economia rond di mundo pa motibo di e pandemia. Pa Aruba, esey tambe ta conta. Pa e motibo aki a tene entrevista cu sra. Marjorie Vermeer, comerciante pa varios aña den cada grandi.
E ta splica cu ultimo tempo, comerciantenan di Aruba a purba ‘di tur fotma pa bira creativo’ pa bin cu idea nobo y producto nobo pa nan por keda mercado pa sigui crece nan negoshi y den nan economia.
Un negoshi den caya grandi tabatin su personal, sra. Vermeer ta bisa cu tabatin nan persona di haci limpi, hende cu ta traha den administratie, y otro trahado, pero mirando e situacion e comerciante a cuminsa bay mas chikito y e mes mester a haci henter e trabou y cu locual ta entrada mester a bira creativo cune.
“Esnan cu ta sabi, ta esnan cu ta sobrebibi. Ami mes mester a hacie, esey ta diferencia di esnan cu lo keda cu nan luga of esnan cu lo bay. Locual ta caya grandi, e ta un caya bunita pero no tin union den comerciante”, e ta bisa.
E situacion no ta uno facil segun sra. Vermeer, e ta bisa cu nan manera comerciante ta ricibi hopi critica pero nan no por keda cu personal y nan mes no tin entrada. E ta bisa cu en berdad cifra ta bisa cu tin mas negoshi a habri pero esey no tur e realidad, pasobra tin cu a cera informal.
E ta un proceso pa kita un persona tambe, e ta bisa cu mester skirbi un carta na departamento di arbeidzaken pa splica di nan negoshi y entrada. Nan ta haya tres luna caminda ta tene un reunion pa wak si e grupo ta dicidi si ta husto pa duna permiso pa kita e persona.
Sra. Vermeer ta bisa cu ta awendia ta purba yama luga y manda email. Pa asina tene tur cos na regla. Pa nan kita nan trahado di varios aña, mester a paga sesantia pa asina e trahado por bay bon ‘e no ta cuestion di no mag kita hende’ pero kico lo pasa fin di luna ora nan no tin entrada.
Sinembargo tin leynan laboral pa proteha e ‘kleine man’, pero a wak cu trahado a cuminsa wak cu no tin placa y un entrada y den un forma amical nan kita persona pa motibo cu ya nan ta compronde e situacion.
Leave a Reply