SIMAR den accion cu docente pa motibo di mudamento di scolnan

For di siman pasa Sindicato SIMAR a entrega un manifiesto den nomber di nan docente di Emmaschool, kende a demonstra e falta di informacion y mal contento cu e fuseering di nan scol.

Awe mainta, presidente di sindicato SIMAR, Josephine Albertus a bisa cu despues di a entrega e manifiesto, nan a pone un deadline 4pm pa haya contesta di prome minister. Banda di anochi a haya un message di whatsapp indicando un carta di prome minister cu e fuseering no ta bay door.

Sinembargo tabata bisa cu nan lo bay door cu e mudamento. E docentenan di Emmaschool no ta bay acepta pa e scol Paso Pa Futuro muda. Esey ta pone cu sra. Albertus ta bisa cu no. cambia nada den e situacion.

E ta bisa cu no por pone dos scolnan den otro. Sra. Albertus ta bisa cu esaki lo tin confusion pa docente, mayornan y e muchanan cu ta esnan cu ta sali perhudica di e cambionan, E ta bisa cu alumnonan tin derecho riba un enseñanza di calidad y cu por funciona manera mester ta.

Magaly Brito di sindicato SEPPA a bisa cu dos scol di educacion special den un luga chikito no lo brinda e mesun calidad pa e studiantenan. E ta bisa cu minister concerni mester tene na cuenta cu un cambio asina no ta adecua pa e educacion special cu nan ta brinda.