Ta conoci cu pandemia a pone un stop na varios projecto of dialogo cu tabata plania. Pa e motibo aki presidente di sindicato STA, Diego De Cuba ta elabora riba locual ta e dialogo tripartite, tambe e discusion grandi riba e ley di ARBO cu mester a introduci pronto.
Tambe por a mira nota, ta e clase trahado na Aruba, cu e problema social a bira grandi, e parti di cheap labor ta keda presenta constantemente. E salario abou, Aruba a bira un pais caro y ta trece problemanan social mas grandi ainda.
Problema cu famianan cu tin entrada abou, cu tin yiunan y ta purba di sobrebibi. De Cuba ta menciona riba e trabounan di gobierno pa yuda cu subsidio manera FASE pero toch ta keda esnan cu a keda sin trabou, e ta bisa cu mester keda diversifica den economia y no depende di turismo so.
“Por a wak con fragil e turismo ta, esaki no ta prome pandemia y no lo ta ultimo. Pero e gobernacion cu bin nobo mester bay cambia e sistema cu tin. Tur locual ta azo, aov, revisa salario, revisa e minumloon. Cualkier gobierno cu bay sinta mester traha duro riba dje”, De Cuba ta splica.
Tambe pa locual ta e CAO di sindicato ta di suma importancia, unda cu miembro di sindicato solamente por beneficia di CAO, y no cu algun cu no ta mara na sindicato y no ta lucha, pero si kier tur beneficio cu su colega ta haya cu si ta den un sindicato y ta lucha pa su derecho.
De Cuba ta bisa ta varios cambionan tin cu bin dilanti, pero ta importante pa duna atencion na clase trahado y tambe pa ehecuta pa ora cu comete un violacion den ley manera control riba e leynan laboral y control riba nos pais.
Leave a Reply