Sra. Jessica Ras, coordinador di projecto formacion social ta den preparacion pa e grupo di hende muhe cu for di aña pasa a dicidi pa asina por bin cu instructor femenino pa asina cuminsa draai pa e grupo di SVT.
E ta bisa cu tin lista di hoben cu hopi animo pa cuminsa cu e trajecto. Pa awo nan tin 9 pa 10 aña bayendo cu e trajecto di formacion social. Nan mester a wak con por a trece algun cambio pa por haci esaki posibel.
Mirando cu henter e base ta pa hende homber, e acomodacion y logistica. Sra. Ras ta bisa cu henter e trajecto di hende muhe lo ta mesun cu locual e hende homber ta experiencia. “Nos ta cla pa e challenge y acepta persona di 18 te cu 24 aña di edad pa inscribi.”
E ta splica cu e ta bay tin su procedura y pa esnan cu kier mas informacion por yama na 522-5353 of check riba Facebook page SVT formacion social. Por yama pa ahci un cita y bay cerca nan.
Pa participa den e trajecto, e persona no mester tin passport Hulandes pero si un permiso valido. Tampoco ta obligatorio pa vacuna, pero ta recomenda pa tur hoben cu kier participa pa vacuna pa asina e ta mas safe. Ta keda bisa pa e hoben keda mantene su mes na regla y hygiene na e parti di bay tur weekend nan cas.
Pa finalisa, sra. Ras ta expresa riba e parti emocional di e formacion social. Nan ta trata cu esaki tambe, nan tin trahado social manera su persona cu por sigui duna guiansa na e parti emocional na e hoben cu ta sigui e trajecto.
Pa e parti di hende muhe, e ta bay bira mescos. Nan tin diferente instancia cu ta duna workshops, pa asina prepara e trahado social pa duna guiansa, pa asina keda duna interes y motivacion na e persona.
Leave a Reply