Sergeant Rayron Thiel di Arumil y mentor di SVT. ta menciona cu nan a cuminsa opleiding cu 24 cursista y a logra termina cu 20. Algo cu nan ta orguyoso y tambe cu nan a mester adapta pa motibo di covid-19.
Awo por bisa cu 20 cursista a pasa nan prome fase, pa sigui cu stage, pero ta satisfecho cu nan a demonstra cu nan kier a barrett y logra esaki. E ta duna e hoben un di dos oportunidad den nan bida.
Thiel ta menciona cu hopi hoben ta pasa den situacion aden anto SVT ta dispuesto pa duna un man y haci di eskai. Esaki ta e grupo mas grandi cu a caba e prome fase completo.
Hoben Croes cu a finalisa e trajecto prome fase, ta expresa cu e trajecto ta encurasha pa sigui bay dilanti den bida. Un dia importante pa nan por a logra un grupo grandi pa caba.
Un experiencia pa bay den mondi, subi cero, un experiencia cu mester a prepara mentalmente y keda fuerte pa por logra e meta na final, e hoben ta comparti. Croes lo sigui su opleiding di Arumil na Curacao cu esnan cu por sigui y esnan cu ta bay sigui stage pa por tin un trabou.
Jessica Ras, coordinador SVT, ta felicita tur e 20 hoben cu a caba nan prome fase, e ta bisa cu henter team di SVT, hobennan, famia y Aruba mester ta orguyoso.
E amor y pasenshi di cada un cu a haci e trajecto posibel. E ta comparti riba e trajecto di hende muhe, caminda ya a cera e parti inscripcion, nan mester keda selecciona pa motibo cu 30 hende muhe a inscribi pero lo cuminsa cu un grupo di 15 hende muhe.
Leave a Reply