Ta importante pa cada mayor ta envolvi den bida di nan yiu

Arthur Comenencia, verpleegkundige di FMAA ta papia di con e muchanan/ studiante ta aceptando y e diferente reacion cu ta haya ora nan wak e variedad di caso cu tin di video gaming addiction.

Nan sa di 4 caso na Aruba caminda e problema di addicion di wega, a haya problema na scol y na caso. Muchanan a haya infomacion di kico ta bezig cune. Comenencia ta bisa cu asta e mentor mes di klas no tabata sa di cierto informacion cu ta yega na nan.

Nan ta haya yamada di scol cu ta pidi lazing di droga, social media cualkier tema en general. E ta duna di conoce tambe cu a pesar di carousel nan tin otro varios scol cu tambe ta pidi pa session apart. Pa e studiante tuma ehempel, e mes ta paga su celular y ta pone su mente completamente pa no strob’e. Comenencia ta bisa cu por papia cu otro professional pero mayor ta keda responsabel pa locual e mucha ta hinga den telefon of cualkier wega.

Ta keda na e professional pa trece informacion pero ta keda pa mayornan controla na cas y ta envolvi den e mundo di e yiunan. Nan kier pa mayornan por atende y ta presenta pa nan por tuma un tempo pa tema aki. Tin varios comentario di persona riba medionan social cu nan ta bisa esnan cu ta bira adicto na wega pasobra ta debil pero e no ta conta pa tur di nan. Kico ta e pensamento di FMAA pa cu esaki.

Comenencia ta bisa cu tin un balansa. Nan no kier bisa cu video gaming ta malo pero e tin su cosnan negative y positivo. E banda malo ta ora tin problema na cas, na scol y punto ta baha esey ta punto di atencion. Pero tambe ta conoci cu un gamer por haya beca pa bay studia afo dus por wak e parti bon. Pero semper ta keda na e mayor ta envolvi den e mundo di e mucha, pa nan wak ki nan ta hunga y cu ken nan ta envolvi cune den wega.

Den caso aki e acohida di presentacion ta bayendo y nan ta compronde e mensahe. Nan ta consciente cu e mensahe no ta keda en bano. El a duna di conoce cu nan ta bay sigui despues pa scolnan cu ta interesa. FMAA ta keda habri pa duna yudansa y informaicon. Sea den adicion di wega, pornografia, e mundo cibernito of cualkier adicion.

Leave a Reply

Your email address will not be published.