Cambio di prijs di petroleo, utilidad, gasolin y diesel na November 2020 Prijs di utilidad (electricidad y awa), gasolin y diesel ta wordo determina primordialmente door di e prijs internacional di petroleo.
Na November 2020 e prijs promedio pa bari di petroleo (US$ 41.07) a conoce un subida di US$ 1.62 (4.1%) compara cu October 2020 (US$ 39.45). Prijs di electricidad y di awa no a cambia compara cu October 2020.
Consecuentemente, e prijs promedio di electricidad pa vivienda a keda Afl. 240.09, mientras cu e prijs promedio di awa pa vivienda a keda Afl. 137.05. Prijs di gasolin a registra un caida di Afl. 2.10 cent (-1.2%) na November 2020 y a causa un efecto di -0.04 ppt riba e CPI.
Prijs di diesel a registra un subida di Afl. 1.10 cent (0.8%) na November 2020 y a causa un efecto insignificante riba e CPI. November 2020, utilidad, gasolin y diesel como grupo, tawata tin un caida di prijs di 0.3% compara cu October 2020 y hunto tawata tin un influencia di -0.04 ppt riba e CPI, mientras cu e restante 404 bienes y servicio hunto, virtualmente no a conoce cambio di prijs y no tawata tin efecto riba e CPI.
Pa mas informacion tocante cambio di prijs di petroleo, utilidad, gasolin y diesel na November 2020 (pagina 3): https://cbs.aw/…/01-Consumer-Price-Index-Press-Release…
Leave a Reply