Francia afecta pa aumento di virus

Minister di cultura di Francia a keda hospitalisa pa covid-19, e ultimo alto funcionario di bira malo awo cu e nacion ta confronta un di tres ola di infeccion pa coronavirus, impulsa pa un variante contagioso cu a haya prome biaha na Inglatera.

Roselyne Bachelot, di 74 aña di edad a duna positivo na test y su hospitalisacion a keda publico ora cu minister di trabou, Elisabeth Borne, a sali for di hospital. E virus a gana forsa na Francia, cu ICU na e region di Paris, nort y sureste di Francia cu ta bay explota.

President Emmanuel Macron, a anuncia cu Francia lo ahilisa nan campaña di vacunacion, reduciendo e elegibilidad di 75 pa 70 aña di edad. Ta estableciendo vacuna masivo na Francia y algun cu personal di bombero.

“Nos no tin un number halto di ingreso den hospital den 24 ora for di e comienso di e prome ola”, hefe di sistema di hospital publico, Martin Hirsch a bisa.

“Francia a conta mas di 93.000 morto relaciona cu e virus y e region di Paris, e cifra di infeccion pa persona di 20 pa 50 aña ta superior pa 700 pa cada 100.000 habitante y mas halto den e region pober di Seine-Saint-Denis, nort.

Segun hefe di sistema di salud di area di Paris, Aurelien Rousseau, ta bisa cu ta 800 pa 100.000 di caso. Ta raportando un number creciente di caso di hoben sin otro problema di salud cu ta ingresa ICU.

Bachelor, ex minister di salud y habitual di programa di entrevista, e ta considera un di minister mas popular di Francia. E hospitalisacion na un estado ‘estable’ a causa sensacion den e medionan di comunicacion.

E enfoke cauteloso di gobierno frances pa combati e virus y e lanzamiento di e vacuna a genera critica na medida cu ta propaga infeccion. Hopi ta cualifica e medidanan nobo cu a drenta vigor siman pasa.

Nan a prohibi e mayoria di biahe interriogional, cera algun tienda y alenta pa traha na cas. E palabra di prome minister Jean Castex a bisa cu frances a disfruta di e clima primevaral y lo keda pa aire liber.

Leave a Reply

Your email address will not be published.