Israel a bombardea e cas di un lider di Hamas y destrui cas di un famia pa un atake contra Gaza, mientras cu organisacion di Gaza ta lansa mas di 100 misil pa Israel. Diadomingo ta un dia cu mas morto for di cuminsamento di pandemia.

E forzanan di defensa di Israel (FDI) ta esnan cu a ataca e cas di lider di Hamas. Vocero di FDI, general Hidai Zilberman a comenta medionan local cu Sinwar a resulta ileso den e atake aereo. Otro atake aereo na Israel den e ciudad di Gaza a mata 33 palestino (di nan 8 mucha a fayece). Segun e ministerio di salud, otro 50 a keda herida (mayoria hende muhe y muchanan).

Ekiponan medico y defensa civil palestino a infrom cu nan a rescata cinco mucha. E operacion di rescate ta mustra con esnan afecta ta muchanan cu herida, manera di un mucha muhe cu a keda herida na su cabes y su expresion ta di shock y terror.

Minister di defensa, Benny Gantz a bisa cu Israel no tin interes di sigui pero ta preparando pa cualkier scenario. Esey a pone cu Israel ta prepara pa sigui golpia obhetivo di importancia durante un periodo largo.

E prome minister di Israel, Benjamin Netanyahu, a subraya e postura di afirma cu forsa na Gaza te cu restablece y restaura e siguridad di e pais. El a bisa cu ta purbando di evita victima civil na su atakenan.

Pero e morto di civil ta sigui aumenta, cu e ultima victima di morto na Gaza ta yega na 181 victima, entre nan 52 mucha y 31 hende muhe, segun ministerio di salid palestino.