E secretaria di siguridad publico di estado mexicano di Zacateca a confirma cu 18 persona a fayece despues di un enfrentamiento. E incidente a registra na e caminda di San Juan Capistrano – El Trujillo.

Na e luga a haya persona cu uniform di militar, y auto na candela. Segun tur cos ta indica cu tabata un enfrentamiento di dos grupo antagonico di delicuencia organisa.

E secretaria a bisa cu fiscal general di husticia di estado a realisa diligencia tras e incidente. CNN a contacta e fiscal pa busca mas informacion pero no a haya contesta ainda.

E zona tin mas di mita aña riba un disputa entre cartel di Sinaloa y e cartel di Jalisco Nueva Generacion, ambos ta busca pa tin e control regional.