E president di China ta bisa cu ta un inevitabilidad historico. E mandatario a bisa cu China no lo ta intimida, oprimi pa otro nacionnan. “Cualkier persona cu purba lo haya su mes golpia y yena cu sanger pa mas di 1.4 miyon di Chines”, Xi a bisa.

E presidente di China y lider di partido comunista, Xi Jinping, a pronuncia un discurso na un ceremonia pa conmemora e centenario di partido na Benijing. E presidente a papia dilanti un 70.000 persona na un ceremonia na Plaza di Tiananmen.

Xi a pronuncia un discurso nacionalista na cual afirma cu solo e partido por garantisa e stabilidad na China. Cualkier purba di seperacion di e pais lo fracasa. E discurso di Xi, (e lider mas poderosos di e pais) a anuncia cu nan a logra nan obhetivo centenario di crea un sociedad prospero. Awo ta avansa na stap sigur pa bira un pais socialista moderno den tur aspecto