Polis ta tumando medida duro contra persona cu ta participa na e disturbio pa e ultimo anochinan, asina ta bisa minister Grapperhaus. Nan ta tene huicio y e obhetivo ta pa nan keda condena pa prison incondicional.
Tambe nan mester paga pa e daño cu nan a causa ‘esaki no tin nada de ver cu e coronavirus, esaki ta crimen’. E minister di husticia y siguridad ta bisa cu tin un cantidad grandi di detencion, pero nan ta prepara y nan lo bay contra lihe.
E ta adverti cu protestante lo acudi tribunal lo mas pronto posibel y nan no lo keda liber cu e boet di 95euro (cu ta aplicabel pa toque de queda). “E personanan aki ta pertenece den un categoria completamente diferente, e derecho penal.”
Toque de queda ta keda
Pa e gabinet, e dusturbio a cuminsa diasabra anochi despues di introduccion di toque de queda, no ta motibo pa reverti e medida di corona. “Nos no lo capitula dilanti algun hende idiota”, minister Hoekstra a bisa durante un reunion di comite ministerial.
Grapperhuis ta di acuerdo, e ta bisa cu e gruponan chikito ta sinti e necesidad di cuminsa disturbio. “Esey no tin di aber ci e regla di corona, pa motibo cu nan no mester asalta un tienda pa haci esey. E 90% di hende ta coopera na medida.”
Leave a Reply