Un metro na ciudad di Mexico a colapsa provocando un caida di algun vagon cu pasahero. E hefe di gobierno, Claudia Sheinbaum a informa cu tin 23 hende morto, incluyendo menor di edad. Tin 65 hende herida y 7 di nan ta grave.
Sheinbaum tambe a bisa cu e causa lo provoca un colapso di structura. El a segura cu tur dia tin mantencion. Servicio di emergencia, ehericto y proteccion civil ta trahando na e luga.
Autoridad ta trahando cu hospital y servicio di buskeda pa asina identifica victima. E sucedido a pasa na linea 12 di e meter. Esey tabata e obra di infrastructura mas importante di ciudad di Mexico durante e mandato di Marcelo Ebrard manera hefe di gobierno.
Ebrard, secretario di relacionnan exterior a bisa cu mester investiga e causa di accident y ta na disposicion di autoridad. E proyecto a keda construi pa compania ICA Grupo Carso di magnate mexicano Carlos Slim- y Alstom.
Leave a Reply