American Airlines ta registra un perdida di 1.25 biyon dollars

American Airlines ta informa cu nan a perde 1.250 miyon di dollars pa e prome trimester y a sigui baha nan costo, incluyendo pa atraso di entrega di avion nobo. Awo ta spera mas biahe y nan por recupera di pandemia.

President y director ehecutivo, Doug Parker, a bisa cu aerolinea ta wak señal di e demanda di placa y ta mehorando. American a consumi 27 miyon pa dia den e prome trimester, bou di 30 miyon diario pa e di 4 trimester di 2020.

E aerolinea a bisa cu a reduci costo di 2021 na mas di 1.3 biyon, incluyendo un rond di kitamento di trabou boluntario pa asina duna 1600 trahado placa pa por bandona e empresa.

E biahenan di placer paden di Merca a recupera cu un 1.4 miyon di persona cu ta biaha cada dia. Aun ta un 40% bou di e ritmo prome cu pandemia na 2019.

Cu menos trafico, American a yega un acuerdo cu Boeing pa atrasa entrega di 23 avion 737 Max te cu 2023 y 2024 y pone cinco di nan un version mas grandi di avion. American ta spera di tuma 14 avion Max durante proximo 12 luna.

E perdida di e prome trimester tabata la linea cu expectativa di Wall Street. Exluyendo e yudansa federal y otro elemento temporal, American a perde 4.32 dollar pa accion. E promedio di 17 analista pa FactSet a bisa cu tabata un 4.30 dollar pa accion.

Un aña pasa, ora cu pandemia tabata cuminsa afecta Merca, American a perde 2.24 biyon dollar. E ingreso a keda na 4.010 miyon dollar, esey ta bou di 4.040 miyon dollar pronostica pa analista y un 53% menos cu 8.520 miyon dollar di un aña pasa.

Accion di American Airlines Group Inc, cu sede na Texas a subi un 2% prome cu apertura.

Leave a Reply

Your email address will not be published.