Casa di Reina Isabel II, prince Phillip, duke di Edimburgo ta fayece cu 99 aña di edad. “Cu profundo pesar cu su mahestad ta anuncia e morto di su casa stima, su alteza real, prince Philip, duke di Edimburgo”, asina a informa e palacio di Buckingham.

“Su alteza a fayece pacificamente na e casteel di Windsor. E famia real ta uni na persona di tur mundo pa asina lamenta e perdida aki”, e palacio Buckingham a bisa cu nan lo duna mas anuncio na su debido tempo. E prins a bandona e hospital King Edward VII na Londres, 16 di maart.

E tabata recuperando na hospital priva despues di a haci cirugia cardiaco na hospital di San Bartolome. El a keda ingresa na hospital dia 16 di february 2021. E prins Phillip a nace na Corfu, Grecia riba 10 di juni 1921. Varios reaccion pa e morto di e casa di Reina Isabel II, mandando mensahe di condolencia.