Segun instituto di investigacion brasileño, e casonan di covid-19 ta aumentando den e poblacion mas hoben di Brasil. “E pais ta haya su mes den un situacion di colapso di salud. Na mesun tempo e pandemia ta afecta grupo di edad di 30 pa 39 aña, 40 pa 49 aña y 50 pa 59 aña di edad, esaki ta publica pa Fundación Oswaldo Cruz de Brasil (Fiocruz).
Durante e prome parti di e lucha di Brasil contra e coronavirus, tabata hendenan di edad kende tabata esnan cu tabata bira malo pa covid-19. Pero for di e comienso di e di dos ola di covid-19 na november 2020 na Brasil, e demanda di servicio di salud a aumenta pa pashent hoben.
E informe nobo ta analisa dato semanal di ministerio di salud di e pais for di 1 january te cu 13 di maart 2021. Nan a haya un aumento di mas di 500% na infeccion entre persona di 30 pa 39 aña di edad. Tin un aumento di mas di 600% entre 40 pa 49 aña di edad y mas di 500% ta pa persona di 50 pa 59 aña di edad.
Aunke e number ta cada bes mas halto pa esnan mas hoben infecta cu e virus, e morto pa covid-19 ta aun mas comun den persona mayor di edad. E analisis nobo ta pidi pa Brasil lucha pa contene e pandemia y awo cu e variante local di coronavrius (P.1) ta arasa den e pais.
E president di Brasil, Jair Bolsonaro, a cambia seis minister, inlcuyendo funcionarionan encarga cu defensa y asuntonan di exterior, despues di destitui oficialmente e minister di salud siman pasa. Brasil a confirma mas di 12.573.615 caso for di cuminsamento di pandemia y 313.866 morto relaciona cu covid-19.
E ministerio di salud na Brasil ta anuncia cu a confirma mas di 100.000 caso nobo di covid-19 den solamente un dia. E cifra mas halto di e pais for di e cuminsamento di pandemia.
Leave a Reply