E casonan nobo, caso den hospital y morto pa covid-19 a cuminsa aumente na Merca, esaki ta informacion di lidernan principal di salud den e pais. Dra. Rochelle Walenskym director di Centro pa control y prevencion di malesa (CDC) por ta e cuminsamento di experto cu a adverti durante simannan.
Un ola por yega hustamente ora cu e pais ta yegando na su normalidad y funcionarionan di henter e pais ta competi pa aplica e cantidad mas halto di inyeccion posibel di e vacuna di covid-19. Te cu awo, 28.6% e poblacion di Merca a ricibi un dosis di e vacuna y 15.8% a ricibi e vacuna completamente.
Merca a yega un total di mas di 550.000 di persona cu a fayece pa covid-19, e cifra mas halto di tur otro pais. Walesnky a bisa cu ta un fatalidad inminente. Despues di un ola invernal paralizante, Merca a tuma nota di un baho den cifra pa coronavirus, sinembargo despues di simanan a bolbe ripara un aumento di infeccion nobo.
Lidernan estatal y local di Merca a suavisa e restriccion y varios a elimina e mandato di e mondmask. Mientras tanto, multitud di e vakantie di primvaera a pone cu hende biaha na destinacion popular y biahenan a aumente, mientras cu tin e variante B.1.1.7, uno mas contagioso y mortal.
Pa awo nan mester, aumente e cifra di vacunacion, duplica medida di siguridad cu a mustra di funciona, mondmask facial, distanciamento social, evita multitud y pa laba nan mas cu regularidad.
“Mi ta haci un yamada pa nos funcionarionan electo, na nos comunidad religioso, na nos lidernan y na tur otro persona cu influencia den comunidad di henter e pais. Nos ta pidi pa cada un di boso manda e mensahe na comunidad. Ban haci esaki pa salud di nos pais y evita un di cuatro ola”, Walensky a bisa.
President Joe Biden ta haci yamada na lider di henter e pais pa restablece e mandato di usa mondmask. “Mi ta reitera mi yamado pa tur gobernante, alcalde y lider local mantene y restablece e mandato di uso di mondmask, esaki no ta politica.”
Leave a Reply