44 persona a fayece na un estampida durante un evento religioso masivo na Monte Meron, nort di Israel. Persona tabata celebra e evento religioso di Lag B’Omer, cu ta un evento publico anual mas grandi di Israel.
Pa conmemora e morto di rabino Shimon Bar Yochai, un sabio di Mishnaica di e siglo II cu e buki ‘El Zohar’ ta basa na misticismo hudio. “Esaki ta un di tragedia mas erg cu nos a experimenta. Mi no a wak nada asina for di emergencia na aña 2000”, Lazar Hyman, vicepresidente di organizacion di emergencia di boluntario United Hatzalah.
Dov Maisel, otro boluntario di United Hatzalah a bisa cu tin un 50.000 y 100.000 persona a subi pa celebra, miles di persona a wordo pusha for di un trapi pa subi e cero y a keda cay riba otro. Polis ta investigando kico a provoca e incidente.
Prome minister, Benjamin Netanyahu a papia di e incidente y gran disaster. “Tur ta haciendo oracion pa e bienestar di tur esnan herida. Forsa pa esnan cu ta haciendo e trabou di rescate.”
Tur aña, centenares di miles di hudio ta acudi na evento di tumab di Bar Yochai na monte Meron, cu ta na region di Alta Galilea nort di Israel, un 40 km di e ciudad di Haifa.
Reunion tabata posibel e aña aki pa motibo di disminucion di casonan di coronavirus na Israel. Israel a vacuna mas di 58% di nan poblacion, cual ta bira un poblacion mas vacuna di mundo.
Ministerio di salud a recomenda pa no bay e festival, el a adverti cu pandemia no a caba ainda. Sinembargo tabatin un presion pa autoridad laga nan sigui cu evento pa motibo cu a cancela aña pasa.
Tur esnan herida a keda transporta pa Hospital Ziv na Safed, e hospital Rambam na Haifa y Centro Medico Galilee na Nahariya, segun director ehecutivo Hatzalah, Eli Pollack a bisa. A usa 6 helicopter pa traslada e heridonan.
Leave a Reply