Explosion grandi na St. Vincent mientras cu volcan ta sigui den erupcion

E volcan La Soufriere a manda un cantidad grandi di ceniza y gas pa ora di mainta dialuna, esey ta erupcion explosivo mas grandi for di comienso di actividad volcanico na isla di San Vicente, funcionarionan ta preocupa pa bida di esnan cu a nenga di evacua.

Experto ta yama un gran explosion cu a genera fluho piroclastico pa flanco zuid y suroeste di volcan. “E ta destruyendo henter e pais. Cualkier cu no pone atencion na evacuacion, mester sali inmediato”, Erouscilla Joseph, directora di Centro di Investigacion Sismica di Universidad di Indias Occidental a bisa.

No tin informe inmediatio di herido of morto, pero funionario di gobierno ta esforsando pa actua lihe mirando e ultimo erupcion. Tin un 16.000 persona cu ta biba den comunidad cerca di e volcan, pa orden di gobierno, pero tin un grupo cu a keda atras cu ta nenga di sali.

Joseph a bisa cu e ultimo explosion a pasa na 1902 y a mata un 1600 persona. E volcan a bolbe drenta den erupcion pa ultimo biaha na 1979. E ceniza di explosion a cay na Barbado y otro islanan cerca. Un minister di gobiern a pasa banda di e region y a wak varios persona cu ainda ta permanece den e comunidad di Sandy Bay, locual a pone cu prome minister Ralph Gonsalves a insisti pa persona bay ‘ya ta ora pa boso move, e ta peligroso’.

E actividad volcanico a menasa e suministro di awa y cuminda. E gobierno ta wak nan mes obliga pa perfora un manera pa busca awa y distribui esaki den truck.