Michael Lockard, fiscal federal di New York, a bisa cu segun testimonio di testigo di president di Honduras, Juan Orlando Hernandez, tabata parti di un grupo di narcotrafico cu a produci, transporta y manda cargamento di cocaine na Merca.
E señal contra Hernandez, kende no ta acusa formalmente di ningun delito, a produci durante final di fiscal na e huicio pa cargonan di narcotraficacion y posesion di arma di candela contra hondureño, Geovanny Fuentes Ramirez na e corte federal di districto zuid di New York. Fuentes ta decalra inocente di tur cargo.
Durante e prome dia di huicio, un fiscal a bisa cu Hernandeaz a priminti proteha e narcotraficante mediante e uso di forsa di siguridad y organismo policial. For di cuminsamento di e huicio, Hernandez a rechasa tur señal na su contra.
“Dato oficial di Merca ta permiti e refutacion instante di narrativo falso. Departamento di Merca a informa cu bou mi gobierno e paso di droga a baha di 87% pa 4%. Nos a baha un reduccion di 95.4% un exito tremendo”, el a bisa.
Segun e fiscal, Michael Lockard, Hernandez no solamente a reuni cu Fuentes Ramirez ora cu e tabata candidato na e president pero tambe na 2019 ora cu un di dos mandato presidencial. E fiscal a bisa cu e mandatario a ricibi placa señala pa narcotraficante na ambos reunion.
De acuerdo cu Lockard, Fuentes Ramírez a papia di reunion na ex lider di cartel Los Cachiros, Leonel Rivera Maradiaga, ora nan a topa na un prison, despues di cu nan hib’e prison na maart di 2020 na aeropuerto internacional di Miami.
Leave a Reply