Centenares di mucha muhe di Nigeria a keda secuestra siman pasa na un internado a keda den libertad Esey ta pone fin na un serie di secuestro di e nacion di Africa Occidental.
E mucha muhenan, di 10 aña dilanti, bisti cu nan hiyab blau tabata dilanti di sala di conferencia di Cas di gobierno di esatdo di Zamfara, nan tabata mustra trankil y lo ricibi check up medico prome cu entrega nan cerca nan mayor.
E gobernador di Zamfara, Bello Matawalle a haci anuncio y ta contento di e liberacion aki. Funcionarionan a bisa cu esnan tras di secuestro ta grupo arma cu ta opera na estado di Zamfara y ta secuestra pa placa of pone presion pa liberacion di nan miembro di prison.
Na momento di atake, un residente a bisa The Associated Press cu hende homber arma tambe ataca un campamento militar y un luga di control cercano, locual a impidi cu soldat por a logra scapa nan.
“Nos tabata drumi ora cu nos a cuminsa tende tiramento. Nos a lanta di nos cama y nan a cuminsa grita nos pa nos cuminsa core, pa motibo cu ladrona drenta”, un di e mucha muhenan a bisa.
Nigeria ta testigo di varios atake y secuestro di e tipo aki na ultimo añanan, e mas notorio tabata na 2014, ora cu rebelde yihadista di Boko Haram a secuestra 276 mucha muhe na un scol di Chibok. Mas di 100 mucha muhe ainda ta desapereci.
Boko Haram ta opone na educacion occidental y nan combatiente ta ataca e scolnan. Pero mayoria di atake ta perpetrado di grupo criminal arma sin idealogia.
Leave a Reply