Un 177 persona a keda desapereci y 20 persona a fayece nort di India despues di cu un parti di un glaciar di Himalaya a desprende y cay den rio. Esey a provoca un avalancha desvastador di awa, stof y piedra grandi.

Ekipo di rescate a trahado durante henter anochi pa asina por haya e trahadonan. Mayoria di esnan cu a disparce ta trahado di dos proyecto hidroelectrico na e districto di Chamoli di Uttarakhand, cu a keda afecta pa avalancha.

Imagen di disaster ta mustra un muraya di awa y piedra cu por move lihe pa un desfiladero estrecho y cu a pasa un presa pa un proyecto hidroelectrico mas chikito prome cu e rio a bin abou, el a arrasa cu edificio, matanan y persona.

Ashock Kumar, hefe di polis na Uttarakhand a bisa CNN cu a recupera 20 curpa na e region afecta. Ainda falta 177 persona incluyendo 35 trahado cu ta kere ta den e tunel (proyecto hidroelectrico estatal mas grandi) sin por sali.

Kumar a informa cu un 2500 persona na e 13 aldea a keda inicialmente aisla pa e inundacion repentino provoca pa e colapso di e glaciar.

Leave a Reply

Your email address will not be published.