E barco di carga container Ever Given, a keda parcialmente libera despues di blokia e canal di Suez durante casi un siman largo. Autoridad a confirma cu trabou pa por logra libera e barco por completo lo por dura mas largo.
E hefe di e compania hulandes, kende ta traha den operacion a bisa cu e barco ta ‘tranca manera un piedra grandi’. Funcionario di Egipto a bisa cu ta plania pa sigui cu e trabou. E crisis di transporte maritimo a domina noticia y capta atencion di mundo henter.
Peter Berdowski, director ehecutivo di Boskalis, empresa cu ta trahando pa libera e barco a bisa cu e barco a draai un 20 grado. Nan ta bisa cu e parti cu nan a move ta parti mas facil pero unda e barco ta tranca ta e parti mas dificil.
E operacion pa liberacion lo sigui diamars ora cu e nivel di awa subi. Si nan no por logra libera e barco, Berdowski a bisa cu lo purba dirigi e awa abou usando ekipo di dragado.
Ever Given ta un barco di 224.000 tonelada, e ta casi mesun largo manera e Empire State, el a keda trapa den e canal egipcio dia 23 di maart. Ekipo di Egipto y di mundo henter ta trahando sin stop pa asina por reflota e barco.
Cu operacion a keda involucra 10 remolcador, draga di tera y empresa di salvamento. E esfuerso anterior a fracasa, pero e ultimo intento pa ehecuta durante un awa cu nivel mas halto.
E operacion di rescate a intensifica, barconan di henter mundo tabata transporta combustibel y carga vital, nan no por a pasa via e canal. Esey a genera un alarma pa impacto di cadena di suministro global.
E canal Suez ta un dia via mas transita y importante di mundo, e ta perde un 14 miyon dollar pa dia den tarifa di transito. Ta acumula miles di miyones di cargamento na mas di 350 barco.
Un 12% di e volumen di comercio mundial ta pasa via e canal di Suez y mas di 18.800 barco ta pasa na e canal durante 2020, e ta un promedio di 51.5 barco pa dia.
Hopi di barco tabata destina pa diferente pais di Europa y Asia. E activistanan y expero ta preocupa cu si Ever Given no keda libera pronto, e cuminda y awa lo por caba den otro embarcacion, esey ta nifica potencial morto di miles di bestianan.
Hopi pais a ofrece nan yudansa den operacion di rescate, incluyendo Merca, China, Grecia y Emiratos Arabes Unidos. Despues di varios dia di esfuerso, algun expero a sugeri cu por pasa mas siman pa Ever Given keda libera, y algun otro barco no ta dispuesto pa warda, nan a opta pa desvia y bay na e Cabo di Hornos pa asina evita e canal.
Leave a Reply