Mucha hondureño ta muri den e Rio Grande ora cu e tabata purba crusa Merca

Un mucha di 8 aña di edad a fayece ora cu el a hoga na e Rio Grande of Rio Bravo, ora cu e tabata purba crusa cu su famia for di Mexico pa Merca, segun raportahe di e secretaria di gobernacion di Mexico den un comunicado.

Miembro di Instituo Nacional di Migracion di Mexico (INM) a haya e curpa di e menor di edad. Nan a haye na un zona di Piedras Negras, Coahuila, den acuerdo cu autoridadnan.

Secretario di gobernacion a puntualisa cu a mayornan y un ruman chikito di e victima, deteni pa e patruya fronteriso di Merca, pa crusa pa e rio. Nan a pone nan bek den Mexico.

E menor di edad tabata hunto cu varios adulto na un isla chikito na medio di rio, pero no por mantene salvo di coriente di awa cu a keda trapa. Autoridad mexicano ta agrega cu un representacion di consulado di Honduras na Coahuila ta yuda e famia cu gestion pertinente pa repatriacion di restonan.

Autoridad di Mexico tambe a raporta un otro curpa di otro hende muhe na e Riu Bravo ora cu tabata purba pasa di Mexico pa Merca.