Myanmar: violenta represion na protesta contra e golpe di Estado ta laga decenas di manifestantes morto

“Nan no a duna nos aviso pa nos bay, simplemente nan a cuminsa tira cu nan arma”, esey ta reaccion di varios manifestante na Myanmar. E represion di protesta contra e golpe di estado na e pais, segun testigo y organismo internacional manera ONU a bira mas violenta.

Por lo menos 38 persona a fayece na e pais, ONU a bisa cu ta e dia mas sangriento. E organismo ta estima cu e number di fayecido ta na 50 persona y mucho hende herida. ONU a bisa cu tin 1200 persona deteni for di e levantamiento militar, y cu caso di famia no tin noticia.

E ciudadano di Myanmar a protagonisa manifestacion masico y acto di desobediencia civil pa henter e pais desde cu militar tuma e poder pa forsa y aresta na lider electa, Aung San Suu Kyi. A pesar di violencia, diversa persona lo cuminsa na reuni pa celebra protesta na varios ciudad.

“Nos sa cu semper por dispara y asesina cu fuego real pero no tin ningun sentido permanece vivo bou hunta militar, nos ta escoge e caminda peligroso pa logra huy”. asina a splica activista Maun Saung Kha di agencia di Reuters. Testigo y organisacion di e pais a denuncia cu e forsa di siguridad ta disparando cu arma di candela. Dos adolescente di solamente 14 pa 17 aña di edad, ta den esnan cu a fayece

Manifestantes en Mandalay, el 3 de marzo de 2021.

E militar no ta duna ningun comentario di e mortonan raporta. E hunta di poder ta abou di argumento di un supuesto fraude na eleccion general di november, kende a gana e partido di Aun San Suu Kyi, e luga nacional pa democracia.

E forsanan arma no a presenta ningun prueba di acusacion y ora di tuma e poder a reemplasa e comision electoral y promete comicio nobo den un aña.

Leave a Reply

Your email address will not be published.