Na Colombia ta extende emergencia sanitario pa covid-19 te cu 31 di mei

E minister di salid di Colombia, Fernando Ruiz a informa den television nacional cu ta extende e emergencia sanitario na e pais te cu 31 di mei 2021. Ruiz a informa cu e gobierno nacional a dicidi di extende e emergencia sanitario cu obhetivo pa reduci contagio y tasa di mortalidad pa covid-19.

E minister di salud tambe a añadi cu paden di extension di emergencia, nan a keda ordena entidad di cada departamento pa tuma medida pa por garantisa e retorno gradual di institucion educativo. Te cu fecha, Colombia a registra 2.241.225 caso confirma di covid-19 y 59.396 persona cu a fayece for di comienso di pandemia.

Leave a Reply

Your email address will not be published.