E Palacio di Buckingham a informa cu lo investiga acusaciones di Meghan, e duquesa di Sussex, pa motibo di acoso laboral na varios miembros di personal despues di cu un informe britanici a cita asistent real no identifica cu a presenta un denuncia contra dje na 2018.
E diario The Times na Inglatera a publica un articulo cu fuente cu a bisa cu e denuncia ta afirma cu e duchess a expulsa dos asisten personal na Palacio Kensington y kibra e confiansa di un di tres miembro di personal. Nan a acera The Times pa motibo cu nan a sinti e version di Meghan tabata publica parcialmente.
E informe ta indica fuente cu e publico mester sa tur e version di historia. Awo cu e entrevista di e pareha cu Oprah Winfrey lo keda transmiti diadomingo, e prome aparicion di e pareha for di ora cu nan a move di Londres pa Nort America.
E palacio Bukckingam a bisa cu nan ta preocupa pa acusacion di informe. Nan ekipo di recurso humano lo analisa e articulo. Lo invita e miembronan di persona involucra, incluyendo esnan cu a laga e palacio real. “E Casa Real a tene un politica di dignidad di trabou durante varios aña y no ta tolera e intimidacion of acoso na trabou.”
Principe Harry Y Meghan a anuncia na 2020 cu lo laga di ta miembro activo di famia real y lo bay Merca. E palacio a corda cu Reina Isabel II, cu nan no lo bin bek manera miembro di realesa activo. E pareha bibando na Merca ta wardando nan di dos yiu.
Harry tambe a referi na presion di e bida real durante un combersacion cu James Corden na su programa. “E ta un ambiente dificil. Nos tur sa con e prensa Britanico ta y e tabata desrui mi salud mental, e ta toxico, dus m’a haci cualkier cos cu un tata y casa lo haci, saca mi famia di e situacion aki”, el a bisa.
Harry y Meghan ta wak nan mes den un guerra di palabra y huicio cu gran parti di media sensacionalista, luchando contra casonan legal contra publicacion y agencia di fotografia cu a publica detaye di nan bida priva.
Leave a Reply