Republica Dominicana a ricibi e prome lote di vacuna di e compania farmaceutico Pfizer-BioNTech. E vicepresidente di e Republica, Raquel Peña a informa cu e prome yegada ta conta cu 228.150 dosis di e 10 miyon di dosis contrata.
Peña a indica cu e lote di Pfizer lo cuminsa vacuna hobennan cu mas di 12 aña di edad. Robert Thomas, encarga cu negoshi di embahada di Merca na e pais Caribeño a bisa cu vacuna di Pfizer lo t’ey pa combati e virus na e pais y a duna pabien na e gobierno dominicano pa nan esfuerso.
Esaki ta e di 12 lote di vacuna cu e pais ta ricibi unda mas di 91 di e vacuna ricibi te cu fecha, un 6.268.000 dosis di e farmaceutica di China, Sinovac. E pais ta pasando awo pa nan di tres ola cu a cuminsa na mei, y a golpia fuertemente, incluyendo e Distrito Nacional y provincia.
Segun dato di servicio nacional di salid, na e provincia di Santo Domingo, e 97% di e unidad di ICU di sector publico ta ocupa y e 88% di e departamento respirtatorio ta den uso. E ministerio di salud publico a registra un total di 306.698 contagio y 3700 morto relaciona cu e virus.
E plan di vacunacion di gobierno a avansa na e pais caribeño y segun datonan oficial, 10 di juni, mas di 6 miyon vacuna a keda y aplica y 1.827.556 miyon di persona ta completamente vacuna.
Leave a Reply