Ta haya 6 curpa morto den un embarcacion na Nicaragua

Polis Nacional di Nicaragua a informa na un nota di prensa di e 6 curpa cu a haya na municipio di Bluefields, Region Autonoma di Caribe Sur. 833 km di e capital di Managua.

Segun e comunicado, un ciudadano a yama liña di emergencia 118, a informa na institucion di haya un boto color blanco y grijs cu curpanan di humano.

Segun a rapport, e embarcacion tabata localisa 1 miya zuid di Cayo Las Palomas, un zona zuid di Bluefields, te cu ainda a desplasa miembronan di ekipo tecnico, criminilista den coordinacion cu forsa naval di ehercito.

Autoridad ta bisa cu a haya 6 curpa di ser masculino cu ta den estado di descomposicion. E informe ta agrega cu e Medico Forensa a determina cu curpa examina no presenta señal di violencia.

E causa di morto tabata deshidratacion, insolacion y fayo sistematico. E tempo cu nan a fayece ta mas probable cu un luna, segun a rapport di forense. Den e comunicado di polis tambe a indica cu entre nan a haya passpoort di un ciudadano di 31 aña di edad, emiti na Republica di Guinea na Africa. E ciudadano tin registro migratorio di ingreso na Nicaragua.